Holen Sand og Grus AS er eit lokalt firma i Ørsta kommune. Vi driv med sal av massar som er produsert av morene og fjell. Fjellmassane brukar vi hovudsakleg til produksjon av pukk, fjellag og singel, medan morenemassane vert nytta til grus, kabelsand, fallsand (godkjent spesialprodukt) og fingrus.

Vi har både eit mobilt og eit stasjonært knuseverk. Det stasjonære går på straum og er eit viktig miljøtiltak for å redusere utslepp og støy. Vi leverer til både private og entreprenørar i området frå Nordfjordeid til Molde.

Vi ønskjer å vere ein enkel og påliteleg samarbeidspartnar som leverer til avtalt tid og med rett type masse til jobben du skal gjere.